Almaty oblysy Polıtsııa departamentiniń ǵımaraty órtendi
TALDYQORǴAN. QazAqparat - Taldyqorǵan qalasynda ornalasqan Almaty oblysynyń Polıtsııa departamenti ǵımaratynyń sol jaǵynyń birinshi qabaty otqa orandy, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmeti qylmystyq ister men qyzmettik qujattardyń otqa oranbaǵanyn, qaz-qalpynda saqtaýly ekenin málimdedi.
«8-qazan kúni saǵat 19:40 Almaty oblysynyń Polıtsııa departamenti ǵımaratynyń sol jaǵynyń birinshi qabaty otqa orandy. Bul jerde departamenttiń tehnıkalyq qyzmeti ornalasqan. Saǵat 20:05 te qyzyl jalyn aýyzdyqtaldy. Zardap shekkender joq. Aldyn-ala boljam boıynsha órt elektr symdarynyń tuıyqtalýy saldarynan bolýy múmkin. Mekemedegi barlyq qujattar saqtaýly»,- delingen vedomstvonyń habarlamasynda.
