Almaty oblysy polıtsııa departamentiniń burynǵy bastyǵy Serik Kúdebaevtyń soty bastaldy
Búgin Taldyqorǵanda alǵashqy sot otyrysy ótti.
«Bastapqyda sot protsesi jabyq bolady dep josparlanǵan. Biraq qazir ashyq ótip jatyr»,- dedi Jetisý oblystyq soty baspasóz qyzmetiniń ókili Nursultan Orynbasarov.
Serik Kúdebaevqa QR Qylmystyq kodeksiniń 362-baby 4-bóligi (bılikti nemese laýazymdyq ókilettigin asyra paıdalaný) boıynsha aıyp taǵylǵan.
Aıta keterligi, búgin Parlament Májilisinde Bas prokýratýra usynǵan fılmde Almaty oblystyq polıtsııa departamentiniń eks-basshysy Serik Kúdebaevtyń jumys ornyn tastap ketip bara jatqan vıdeosy jarııalanǵan.
«Myna kadrlardan Almaty oblystyq polıtsııa departamentiniń burynǵy bastyǵy, sol kezde komendant bolǵan Serik Kúdebaevtyń mekeme ǵımaratyn tastap ketkenin kórýge bolady», - dep baıandalǵan fılmde.
Eske salsaq, Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan bolatyn.
Ol 2020 jyldan bastap 2022 jyldyń qańtaryna deıin Almaty oblysy polıtsııa departamentiniń bastyǵy qyzmetin atqarǵan.
2022 jyldyń 18 aqpanynda ol ishki ister organdarynan óz erkimen bosatyldy.
