Almaty oblysy: Penjimdegi sý apatynan shyǵyndar eseptelýde
JARKENT. QazAqparat - Almaty oblysy Panfılov aýdanyndaǵy sý tasqynyna baılanysty arnaıy komıssııa jumys isteýde. Qazir Penjim aýyldyq okrýginde bolǵan sel saldaryn joıý jumystary qarqyndy júrip jatyr. Bul týraly QazAqparat tilshisi aýdandyq ákimdiktiń baspasóz qyzmetine silteme jasap habarlaıdy.
«Qazseldenqorǵaý» mekemesi, áskerı qyzmetkerler men basqada quzyrly mekemelermen birge 200-ge tarta adamdar men 40 tehnıka kósheler men aýladaǵy qaldyq sýdy sorǵyzyp, shaǵyl tóseý jumystaryn atqaryp jatyr. Sondaı-aq, tótenshe jaǵdaılar bólimi, arnaıy sala mamandary ár úılerdi tekserip, materıaldyq shyǵyndardy anyqtaý ústinde» delingen baspasóz baıanynda. Qazirgi ýaqytta 270 úıdiń aýlasyna sý kirgen. Ázirge apatty úıler joq.
Aýdan ákimi Temirlan Bektasovtyń aıtýynsha, aýyl turǵyndaryna qajeti jaǵdaıda barlyq taraptan kómekter kórsetiledi.
«Qazirdiń ózinde jergilikti kásipkerler otbasylarǵa azyq-túlik, ystyq tamaqpen qamtamasyz etý jumystaryn júrgizip jatyr. Aýylda jaryq, sý ınfraqurylym barlyǵy qalypty jumys jasaýda. Turǵyndardyń aıtýynsha bundaı tasqyn 90-jyldary bolǵan,- deıdi ákim.
Aıta ketý kerek, 3 maýsym kúni keshkisin Penjim aýylynda aýa temperatýrasynyń kóterilýi men jaýyn-shashyn saldarynan sel júrgen bolatyn.
