Almaty oblysy Panfılov aýdanynyń para alǵan sheneýnikterine úkim shyqty

TALDYQORǴAN. QazAqparat - Almaty oblysynyń Panfılov aýdanynda para alǵan sheneýnikterge úkim shyqty, - dep habarlaıdy QazAqparat tilshisi.

Іs materıalyna sáıkes, Panfılov aýdany ákiminiń orynbasary T esimdi azamat 200 myń teńge para alǵan. Ol QR QK 366 babynyń 2 tarmaǵy boıynsha kináli dep tanylyp, 6 000 000 teńge aıyppul salyndy.

Sondaı-aq atalǵan aýdannyń qurylys bóliminiń bas mamany K. 100 000 teńge jáne osy bólimniń jetekshisi I. 50 myń teńge para alǵan. Anyqtalǵandaı, «Tehno Snab 2002» JShS-niń menedjeri S. birneshe ret para bergeni anyqtaldy. Jalpy qarajat kólemi 350 myń teńge. Sottalýshy K. QR QK 366 babynyń 1-bóligi boıynsha kináli dep tanylyp, oǵan 2 500 000 teńge, al I. esimdi azamatqa 1 250 000 teńge aıyppul salyndy. Al parany bergen JShS-niń S. esimdi menedjeri 7 000 000 teńge aıyppul tóleıtin boldy. Bul qarajat memlekettiń paıdasyna óndiriledi. Barlyq sottalýshylar memlekettik qyzmette, quzyrly organda jumys isteý quqyǵynan ómir boıyna aıyryldy.

Anyqtalǵandaı, Panfılov aýdanynyń qurylys bólimi «Tehno Snab 2002» JShS-i arasynda qurylys jumystary boıynsha kelisimshart jasalǵan. Atalǵan seriktestik Penjim (Nurkent) aýylynda 60 páterli turǵyn úı salǵan. Bul jumystarǵa 993 440 000 teńge qarjy bólingen. Atqarylǵan jumystardyń aktisine jáne aldaǵy ýaqytta da qamqorlyq kórsetý úshin sheneýnikter atalǵan seriktestiktiń menedjerinen para alǵan.

Sot úkimi kúshine engen joq.