Almaty oblysy: Qyzylaǵashta aýyldasyn ańshy myltyǵymen atqan er adam ustaldy
Aqsý aýdanynyń polıtsııa qyzmetkerleriniń jyldam áreket etýiniń nátıjesinde kúdikti anyqtalyp, ustaldy.
«24 qyrkúıek kúni Aqsý aýdany Polıtsııa bóliminiń kezekshi bólimshesine belgisiz adamnan Aqsý aýdany, Qyzylaǵash aýylynda oq atylǵany jaıynda habarlama kelip tústi.
Oqıǵa ornyna jetken Aqsý APB-niń qyzmetkerleri sol aýyldyń turǵynyna 16-kalıbrli ańshy myltyǵynan oq tıgenin anyqtady. Atalǵan derek boıynsha QR QK-niń 293-baby 3-bóligimen qylmystyq is qozǵaldy»,- dedi Aqsý APB bastyǵy polıtsııa podpolkovnıgi Dáýren Sákenov.
Jedel izdestirý is-sharalaryn ótkizý barysynda sol aýyldyń 36 jastaǵy turǵyny ustaldy. Onyń tirkelmegen qarýdan oq atyp, qoǵamdyq orynda qarý qoldaný arqyly densaýlyqqa zııan keltirgeni anyqtaldy. Kúdikti QR QPK-niń 128-babyna sáıkes Aqsý APB-niń ýaqytsha ustaý oqshaýlaǵyshyna qamaqqa alyndy.
Qazirgi ýaqytta tergeý amaldary júrgizilýde