Almaty oblysy Qyrǵaýyldy aýylynda sý basqan ýchaskeler sany naqtylanýda - TJK
ASTANA. QazAqparat - Almaty oblysy TJD jedel toby Qyrǵaýyldy ózeniniń tasýy saldarynan sý basýy yqtımal úılerdiń sanyn naqtylaý jumystaryn júrgizýde, dep habarlady QR ІІM TJK baspasóz qyzmeti.
Sý basqan ýchaskelerdiń sanyn esepteý jumystaryna jaýyn kedergi keltirýde. Sý basqan aýdanǵa Almatydan qosymsha respýblıkalyq jedel qutqarý jasaǵynyń kúshteri (18 qutqarýshy, 2 tehnıka) keldi. Sýdy aǵyzý jumystaryn júrgizý úshin 8 motopompa daıyndaldy. Jedel shtab jumys isteýde.
Sońǵy derekterge sáıkes 151 saıajaı men ýchaskeni sý basty («Aqsaı-19» - 83 saıajaı, ýchaske. «Trýd» - 15 saıajaı men ýchaske, «Polet» - 12 saıajaı, ýchaske, «Torpeda» - 21 saıjaı, ýchaske). Sondaı-aq «Bota balalar ortalyǵy» balabaqshasyn, Qyrǵaýyldy aýylynda 20 aýlany sý basty.
