Almaty oblysy Qostanaı óńirine 105 tonnadan astam azyq-túlik jiberdi
Birneshe kún boıy otandastarymyzǵa Almaty oblysynyń ákimdigi, eriktiler, jastar, kásipkerler men janashyr azamattar shette qalmaı, azyq-túlikpen qatar, qurylys materıaldaryn, jeke kútim quraldaryn jiberip otyrdy.
Front-keńseniń basshysy Erasyl Tolymbekulynyń aıtýynsha, Almaty oblysynyń ákimdigi Qostanaı oblysynyń mekemesimen baılanysta bolyp, gýmanıtarlyq kómek jınaǵan.
«Osyndaı qıyn-qystaý sátterde qazaqstandyqtar aýyzbirshiligin kórsetip jatyr. El Prezıdenti Qasym-Jomart Toqaev zardap shekkenderdiń otbasylarymen jeke kezdesip, eshbir otbasy Úkimet nazarynan tys qalmaıtynyn aıtty.
Qostanaı oblysynda zardap shekkenderge kómek kórsetý jónindegi halyq aktsııasyn qoldaı otyryp, Almaty oblysy da óz úlesin qosyp jatyr. ıAǵnı, balalarǵa arnalǵan jaıalyqtar – 9 myń dana, qurylys materıaldary – 10 tonna, azyq-túlikten: kúnbaǵys maıy, taýyq eti – 10 tonna, kespe – 3 tonna, pııaz – 7 tonna, kúrish pen alma – 5 tonnadan jáne taǵy da basqasy bar. Sonymen qatar birqatar memlekettik qyzmetkerler bir kúndik jalaqysyn aýdardy. Qazirgi ýaqytta aımaqtan eki GAZel men tórt júk kóligi shyqty. Qostanaı oblysyna kómekke 10 erikti ketti», - dedi ol.
Eske salaıyq, Qostanaı oblysynyń Áýlıekól aýdanynda orman órti 2 qyrkúıek kúni bastaldy. Birneshe aýyldan 1841 adam evakýatsııalandy. Tilsiz jaý 86 jastaǵy turǵynnyń ómirin jalmady. 10 adam jaraqat aldy, onyń tórteýi qazir aýrýhanada jatyr.
Qostanaı oblysynda Ahmet Baıtursynulynyń 150 jyldyq mereıtoıyna oraılastyrylǵan saltanatty sharalar keıinge shegerildi. Óńirge Prezıdent Q.Toqaev bardy. Órt bolǵan eldi meken turǵyndarymen kezdesken Memleket basshysy zardap shegýshilerge Úkimet eki aıda burynǵydan da jaqsy úı salyp beretinin aıtty.
QR Tótenshe jaǵdaılar mınıstri ıÝrıı Ilın órt adam qolynan boldy degen nusqany joqqa shyǵarmaıtynyn málim etti.
Zardap shekken qostanaılyqtarǵa kómek berý úshin biryńǵaı qoǵamdyq qor quryldy.
Óńirdegi jaǵdaı turaqtalǵansha, 3 myńnan astam oqýshy qashyqtan bilim alatyn boldy.
Áýlıekól aýdanyndaǵy órt saldarynan Amanqaraǵaı aýylynda 98 úı órtenip ketti.
Óńirde tótenshe jaǵdaı rejımi jarııalandy.
Úıleri órtenip ketken qostanaılyqtardyń banktegi nesıeleri jabylady.
