Almaty oblysy: Kóktal ózeniniń 7 núktesinde qar kóshkini bolǵan
Departamenttiń baspasóz qyzmetiniń habarlaýynsha, kóshkin qaýpi bar jáne morenalyq kólderdiń jaı-kúıin tekserý maqsatyndaǵy bul shara «Qazseldenqorǵaý» mekemesiniń «Jetisý Alataýy óńirlik paıdalaný basqarmasy» fılıalymen birlesip birlesip uıymdastyrylǵan. Aerovızýaldy sholý Taldyqorǵan qalasynyń áýejaıynan eýrokopter - ES145 tikushaǵymen júrgizilgen.
«Búgingi tańda 2 500 metrden astam bıiktiktegi taýlardyń ońtústik betkeılerindegi qardyń qalyńdyǵy 30-40 sm eken. Al soltústik jaǵynda 1 metrden 1,5 metrge deıin jetedi. Panfılov aýdany aýmaǵyndaǵy qardyń qalyńdyǵy jyldyq normadan az, sý ótimderi taza, tranzıttik túrde ekeni anyqtaldy. Aýa temperatýrasy 2 500 metr bıiktikte +3,5 gradýs bolsa, 3 400 metrde +1 bolyp tur, 3 800 metrde 0-den 5 gradýs tómen», - delingen habarlamada.
Onda qazir gıdrologııalyq jaǵdaı qalypty ekeni de jazylǵan. Sondaı-aq Kerbulaq aýdany men Kóktal ózeni arnasynyń 7 núktesinde qar kóshkini túsý derekteri tirkelgen. Alaıda, eldi mekenderge qaýip joq.