Almaty oblysy, Qarasaı aýdanynyń ýaqytsha ustaý orynynan qashyp ketken úsh kúdikti 4 saǵattan soń ustaldy
ASTANA. 26 qazan. QazAqparat /Aıdar Ospanalıev/ - Almatylyq tártip saqshylary osy oblystyń Qarasaı aýdanyndyq Іshki ister bóliminiń ýaqytsha ustaý oqshaýlaǵyshynan qashyp ketken úsh kúdiktini 4 saǵattan soń ustady.
Bul oqıǵa jóninde búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Nurdildá Oraz málim etti.
Onyń sózine qaraǵanda, 23 qazan kúni túngi 4-ter shamasynda urlyq jasap, kisi tonady degen kúdikpen qamaýda otyrǵan 20-25 jas aralyǵyndaǵy 3 azamat arnaıy mekemeniń terezesiniń kirpishterin buzý arqyly qashyp shyqqan. «Kúdiktilerdi polıtsııa qyzmetkerleri Almaty qalasyndaǵy jalǵa alynǵan páterde jatqan jerinen quryqtady. Osy oqıǵaǵa baılanysty oblystyq Іshki ister departamentiniń Ózindik qaýipsizdik qyzmetkerleri ishki tekserý sharalaryn júrgizýde jáne bul baǵyttaǵy jumystar mınıstrlik basshylyǵynyń nazarynda. Aldyn ala málimetter boıynsha, kúdiktilerdiń arnaıy mekemeden qashyp ketý jaǵdaıy ýaqytsha ustaý oqshaýlaǵyshy qyzmetkerleriniń salaqtyǵynan bolyp otyr»,-dedi departament bastyǵy.
