Almaty oblysy: Іle aýdandyq qurylys bóliminiń basshysy ustaldy

TALDYQORǴAN. QazAqparat - Almaty oblysyndaǵy Іle aýdanynyń qurylys, sáýlet jáne qala qurylysy bóliminiń basshysy jemqorlyq faktisimen ustaldy, - dep habarlaıdy QazAqparat tilshisi.

«Almaty oblysynyń sybaılas jemqorlyqqa qarsy qyzmeti oblystyq UQKD-men birlesip Іle aýdanynyń qurylys, sáýlet jáne qala qurylysy bóliminiń basshysyn áshkereledi. Ol JShS dırektorynan onyń nysanaly maqsatyn kommertsııalyq obektige ózgertý maqsatynda úıdi paıdalanýǵa berý aktisine qol qoıǵany úshin 3 000 000 teńge somasynda para alǵan»,- delingen QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń habarlamasynda.

Vedomstvonyń aqparatyna sáıkes, 9 aqpanda Іle aýdandyq soty kúdiktige kepil berý quqyǵymen 2 aı merzimge «kúzetpen ustaý» bultartpaý sharasyn sanktsııalady.Tergeý jalǵasýda. Ózge aqparat tergeý múddesine saı jarııalanbaıdy.