Almaty oblysy boıynsha Joǵarǵy sotqa shaǵymdanýshylar kóbeıgen

TALDYQORǴAN.QazAqparat - Almaty oblysy sotynyń jumysyna narazylyq tanytyp, Joǵarǵy sotqa shaǵymdanǵandar sany 35 paıyzǵa artqan. Bul týraly Taldyqorǵanda ótken oblystyq sot jumysynyń qorytyndy jıynynda Joǵarǵy sot tóraǵasy Qaırat Mámı málimdedi, dep habarlaıdy QazAqparat tilshisi.

Tóraǵa qylmystyq jáne azamattyq isterde apellıatsııalyq shaǵymdardyń baıaý qaralýyn, sýdıalardyń  jumysyn synǵa aldy.

«Sizderde keıbir isterdi bólshekteý bastaldy. Bul isterdiń barlyǵyn men kórip otyramyn. Kassatsııalyq rette qaralmaıtyn isterdi de qaıta qaraýǵa, kórsetýge Joǵarǵy sottyń nemese Bas Prokýrordyń óziniń quqyǵy bar. Osy praktıkany eger jalǵastyratyn bolsańyzdar, sol úshin jazalanatyn bolasyzdar», - dedi QR Joǵarǵy sot tóraǵasy.

Sondaı-aq, alqa májilisinde Elbasynyń 5 ınstıtýtsıonaldy reformasyndaǵy sot júıesiniń jańǵyrtylýy men memleketti basqarý júıesinde bolatyn ózgerister  talqylandy.  Jalpy Almaty oblystyq soty 2016 jyly 40 myń azamattyq is, 4 myńnan astam qylmystyq is qaraǵan.