Almaty oblysy boıynsha túrme qyzmetkerleri Ǵazız Baıtasovty eske aldy

TALDYQORǴAN. QazAqparat - Almaty oblysy Qylmystyq atqarý júıesiniń qyzmetkerleri Halyq qaharmany Ǵazız Baıtasovty eske aldy, - dep habarlaıdy QazAqparat tilshisi.

Marqumdy eske alý sharasyna Almaty oblysy boıynsha qylmystyq atqarý júıesi departamentiniń basshylyǵy men jeke quramy qatysty.

Jınalǵandar monýmentke gúl shoqtaryn qoıyp, bir mınýt únsizdik ótkizdi.

Gazız Baıtasovtyń qaıtys bolǵanyna 10 jyl boldy.

Esterińizge sala keteıik, polıtsııa kapıtany Ǵazız Baıtasov 2011 jyldyń 12 qarashasynda jeti adamdy óltirgen qylmyskerdi ustaý kezinde denesimen granatany japqan.

«Halyq qaharmany Ǵazız Baıtasovtyń erligi bizdiń jadymyzda máńgi saqtalady. Ol shynaıy patrıotızmniń jarqyn úlgisi. Óziniń ómirin qıyp, ol ondaǵan adamnyń ómirin erlikpen saqtap qaldy», - dedi Almaty oblysy boıynsha QAJD bastyǵy Igilik Hasenov.