Almaty oblysy boıynsha pedagogtardyń biliktiligin arttyrý boıynsha ınstıtýt dırektory ustaldy
ASTANA. QazAqparat - Sybaılas jemqorlyqqa qarsy qyzmet QR BǴM «Órleý» Ulttyq ortalyǵynyń Almaty oblystyq fılıaly boıynsha pedagog qyzmetkerlerdiń biliktiligin arttyrý boıynsha ınstıtýt dırektoryn ustady.
Vedomstvonyń baspasóz qyzmetinen habarlaǵandaı, Jemqorlyqqa qarsy is-qımyldar Ulttyq bıýrosynyń Almaty qalasy boıynsha departamenti QR BǴM «Órleý» Ulttyq ortalyǵynyń Almaty oblystyq fılıaly boıynsha pedagog qyzmetkerlerdiń biliktiligin arttyrý boıynsha ınstıtýt dırektory H. Dúısebaevty ustady. Ol aqshaǵa ǵımaratty júıeli túrde zańsyz jalǵa berip otyrǵan.
Osylaısha, H. Dúısebaev ashanany zańsyz kelisimshartsyz jalǵa bergeni úshin jeke tulǵadan 200 000 teńge kóleminde para alyp jatqanda ustaldy.
Qazir H. Dúısebaev Almaty q. ІІD ýaqytsha oqshaýlaý abaqtysyna qamaldy.
Sotqa deıingi tergeý amaldary júrgizilip jatyr.
