Almaty oblysy Astanaǵa jańa saıabaq salyp beredi
ASTANA. QazAqparat - Almaty oblysy elordaǵa otbasylyq demalys saıabaǵyn salyp beredi. Bul týraly Astana ákimdiginiń aktıvimen Elbasynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýyn talqylaý kezinde Áset Isekeshev aıtty, dep habarlaıdy Elorda Info.
«Parkter men alańdardy kógaldandyrý da mańyzdy máselelerdiń biri bolyp tabylady. Bıyl bizde birqatar mańyzdy jobalar bar. Astanada «Jetisý» otbasylyq demalys saıabaǵy qurylady. Bul jobany Astana qalasynyń 20 jyldyq mereıtoıy aıasynda Almaty oblysynyń ákimdigi júzege asyrady. Otbasylyq demalys oryndary, sporttyq alańdary men átkenshekteri bar óte ádemi saıabaq bolady», - dedi Áset Isekeshev.
Qalany jasyldandyrýdyń basty jobasy - Botanıkalyq baq. Onyń qurylysy 2018 jyly aıaqtalady. Qalada sondaı-aq súriletin apatty úılerdiń ornyna gúl baqtary salynatyn bolady.
«Sonymen qatar 60 shaqyrymnan astam velosıped joldaryn salý josparlanyp otyr. Meniń oıymsha, bul sportqa baýlıtyn jaqsy joba», - dedi qala ákimi.
