Almaty oblysy Arystaǵy 157 úıdi jóndep jatyr

TALDYQORǴAN. QazAqparat - Almaty oblysy tarapynan Arystaǵy 157 jekemenshik úı qalpyna keltiriledi. Qazir jetisýlyqtar Arys qalasyn qalpyna keltirý jumystaryn bastap ketti, dep habarlaıdy QazAqparat tilshisi.

«Shahardy qalpyna keltirý boıynsha elimizdiń ár oblysy jáne respýblıkalyq mańyzy bar qalalarǵa arnaıy ýchaskeler berildi. Bizge №15 ýchaske berildi. Bul aýdanda 29 kóshede 9 áleýmettik, 14 kommertsııalyq nysan men 854 jekemenshik turǵyn úı ornalasqan. Onyń ishinde 157 jekemenshik úı oblys tarapynan qalpyna keltiriletin bolady. Búgingi kúni jumystyń jospary jasalyp, aýqymy anyqtalýda», - dedi Amandyq Batalov.

Bul isti júzege asyrý úshin Arys qalasynda arnaıy jumys toby júr degen oblys basshysy qurylys bir aıdyń ishinde bitýi tıis ekendigin alǵa tartty.

«Almaty oblysy ákimniń orynbasary Lazzat Maqatuly sol jerge 3-4 qurylys kompanııasyn alyp, mamandarmen bardy. Sol jerde arnaıy shtab qurdy. Qazir ár úıdi, ár nysandarǵa tehnıkalyq tekserý júrgizip jatyr. Qaı jerde shatyr ketken, qaı jerde tereze túsip qalǵan, qaı jerde qabyrǵalary qulaǵan. Solardyń barlyǵyn retke keltirý maqsatynda jumysqa kirisip ketti», - dedi A.Batalov.