Almaty oblysy Aqsý aýdanyndaǵy sý tasqynyna baılanysty jergilikti halyqqa tıisti kómek kórsetiletin bolady - Memleket basshysy
ASTANA. Naýryzdyń 12-si. QazAqparat /Rýslan Ǵabbasov/ - Almaty oblysy Aqsý aýdanyndaǵy sý tasqynyna baılanysty jergilikti halyqqa tıisti kómek kórsetiletin bolady.
Bul týraly búgin Aqordada Úkimet músheleriniń jáne oblys ákimderiniń qatysýymen ótip jatqan keńeste Elbasy Nursultan Nazarbaev málim etti, dep habarlaıdy QazAqparat.
«Keńes bastalmas buryn bir máselege toqtalyp ótpekpin. Almaty oblysynyń Aqsý aýdanynda sý tasqyny boldy. Ázirge odan kelgen shyǵyn mólsheri belgisiz. Meniń tapsyrmammen qurylǵan úkimettik komıssııa tıisti jumystardy atqaryp, onyń nátıjeleri belgili bolǵannan keıin Premer-Mınıstr sonda baryp, tıisti sharalardy atqaratyn bolady», dedi Memleket basshysy.
Prezıdent sý tasqynynan zardap shekkenderge tıisti kómek kórsetiletindigin atap ótti.
