Almaty oblysy Aqsý aýdanyna qarasty Quraqsý aýylynyń turǵyndary sý tasqyny qaýpi týyndaýy saldarynan basqa jerge kóshirildi
ASTANA. Naýryzdyń 24-i. QazAqparat - Almaty oblysy Aqsý aýdanyna qarasty Quraqsý aýylynyń turǵyndary sý tasqyny qaýipi týyndaýy saldarynan basqa jerge kóshirildi, dep habarlady QR Tótenshe jaǵdaılar mınıstrliginen.
«Naýryzdyń 22-inde Quraqsý aýylynda Aqsý ózeniniń deńgeıi kóterilip, Quraqsý-Mataı (8 shaqyrym) avtojolyn sý shaıyp ketti. Sý shaıǵan jol shamamen 400 metrdi quraıdy. Aýyldy sý basý qaýipi týyndap otyr», delingen habarlamada.
Kelesi kúni aýdan ákiminiń orynbasary aýyl turǵyndaryn qaýipsiz jerge kóshirý týraly sheshim qabyldaǵan.
Qazirgi ýaqytta aýyl tusyndaǵy sý bógetin nyǵaıtý jáne uzartý jumystary júrgizilip jatyr. Tótenshe jaǵdaıdyń aldyn alýǵa «№72 Sarqand sharýashylyq eseptegi basqarmasy» JShS-iniń (1 býldozer, 2 MTZ-80) tehnıkalary men 30 aýyl turǵyny tartylǵan.
