Almaty oblysy Aqózek aýylynda úılerdiń aýlasyn sý basty
«2023 jylǵy 5 naýryz kúni saǵat 18:46-da Almaty oblysy TJD Sheńgeldi aýyldyq okrýginiń Aqózek aýylynda temperatýranyń (+12 gradýs) joǵarylaýyna jáne Aqózek aýylynyń soltústik bóliginen qurǵaq arna arqyly taýlardyń baýraıynan erigen sýdyń túsýine baılanysty qardyń qarqyndy eridi. Osynyń saldarynan Qonaev qalasy Aqózek aýylynan ońtústikke qaraı qurǵaq arnadaǵy sý deńgeıi kóterilip, qubyrly ótkelder kiretin sý kólemine tótep bere almady. Sol sebepti kósheler men 6 jeke turǵyn úıdiń aýlasyn sý basty» delingen habarlamada.
TJ departamentiniń jáne jergilikti atqarýshy organdardyń kúshteri men ınjenerlik tehnıkasyn (3 ekskavator jáne 2 tıegish) paıdalana otyryp, qolda bar qubyrly ótkelderge parallel qosymsha tógý arnalaryn tóseý ádisimen erigen sý arnasy buryldy.
TJ departamentiniń 10 qyzmetkeri, 2 tehnıkasy, 2 motopompasy jáne jergilikti atqarýshy organdardyń 5 qyzmetkeri men 5 birlik tehnıkasy jumyldyryldy. 2023 jylǵy 6 naýryz kúni saǵat 7:00-de sý aǵyny tómendedi, eldi mekender arqyly sý tranzıttik rejımde ótýde.
Qaza bolǵandar men zardap shekkender joq.