Almaty oblysy ákiminiń júldesi Shyǵys Qazaqstanǵa buıyrdy
TALDYQORǴAN. QazAqparat - Almaty oblysy ákiminiń júldesi Shyǵys Qazaqstanǵa buıyrdy. Tuńǵysh ret voleıboldan aýǵan soǵysy ardagerleri arasynda ótken jarysta shyǵystyń komandasy bas júldeni qanjyǵalap, 500 myń teńge aqshalaı syılyqqa ıe boldy, dep habarlaıdy QazAqparat tilshisi.
Ekinshi oryndy astanalyq ardagerler quramasy jeńip aldy. Olar 300 myń teńgeniń sertıfıkatyn ıelendi. 
Al úshinshi oryn Almaty oblysynyń Aýǵan soǵysy ardagerlerine buıyrdy.
Jarys jeńimpazdary men júldegerleri oblys ákiminiń Kýbogimen, medaldarmen jáne aqshalaı syılyqpen marapattaldy.
Óńir basshysy Amandyq Batalov bul jarystyń jyl saıyn turaqty túrde ótkizilip turatyndyǵyna senim bildirdi.
Esterińizge sala keteıik , Aýǵan soǵysy ardagerleri arasynda respýblıkalyq jarys uıymdastyrý bıyl aqpan aıynda kóterilgen bolatyn. Óńir basshysyna osyndaı usynysty jetisýlyq ınternatsıonalıst- jaýyngerler bildirgen edi. Birden usynysty qabyldaǵan Almaty oblysynyń ákimi osy jarystyń ótýine tikeleı yqpal etti. Bolashaqta alǵash ret respýblıkalyq deńgeıde ótken sharanyń aýqymyn keńeıtý josparlanýda.
