Almaty oblysy ákiminiń birinshi orynbasary A. Batalov «Qurmetti jolshy» belgisimen marapattaldy
ASTANA. Qazannyń 23-i. QazAqparat - Keshe QR Kólik jáne kommýnıkatsııa mınıstrliginde Almaty oblysy ákiminiń birinshi orynbasary Amandyq Ǵabbasuly Batalovty «Qurmetti jolshy» belgisimen marapattaý rásimi bolyp ótti,
dep habarlaıdy QazAqparat atalmysh vedomstvonyń baspasóz qyzmetine silteme jasap.
«Nagradany tapsyryp turyp kólik vedomstvosynyń basshysy Ábilǵazy Qusaıynov, «bul marapattyń Amandyq Batalovqa kóp jylǵy adal eńbegi men Qazaqstan Respýblıkasynyń avtomobıl joldary salasyn damytýǵa qosqan zor jeke úlesi úshin berilip otyrǵandyǵyn» atap kórsetti. Sonymen birge, mınıstr «Jol kartasy» baǵdarlamasyn júzege asyrýda oblystaǵy atqarylǵan jumystyń aýqymy men sapasyna bıyl sol óńirdi aralaǵan kezde aıqyn kóz jetkizgendigin aıtty. Sóz sońynda oblysta qalyptasqan jumys qarqyny kelesi jyldarda da saqtalady degen senimin bildirdi», delingen baspasóz qyzmetiniń habarlamasynda.
