Almaty oblystyq jergilikti polıtsııa qyzmetiniń bastyǵy jumystan shyǵaryldy
TALDYQORǴAN. QazAqparat - Almaty oblysynyń Polıtsııa departamenti jergilikti polıtsııa qyzmetiniń bastyǵy Marat Kúshtibaev qyzmettik tergeý jumystarynan keıin qyzmetinen ketti, dep habarlaıdy QazAqparat tilshisi.
«Qyzmettik tekseristen keıin Іshki ister mınıstriniń buıryǵymen Almaty oblystyq Polıtsııa departamenti jergilikti polıtsııa qyzmetiniń bastyǵy óz laýazymynan bosatyldy», - dedi ІІM resmı ókili Nurdildá Oraz.
Aıta keteıik, Almaty oblystyq jergilikti polıtsııa qyzmetiniń bastyǵy Marat Kúshtibaevtyń jumystan ketýine áleýmettik jelinde jarııalanǵan aýdıojazba sebepshi bolǵan. Aýdıojazbada er adam ózge polıtseılerge jumystaryn durys istemeıtinin synǵa alyp, bylapyt sóz aıtqanyn estýge bolady. Al osy aýdıojazbany Marat Qusaıynov esimdi jeli qoldanýshysy eki kún buryn, ıaǵnı 18 qyrkúıekte jarııalaǵan.
Esterińizge sala keteıik, atyshýly aýdıojazbadan keıin Іshki ister mınıstri Erlan Turǵymbaevtyń 2019 jylǵy 19 qyrkúıektegi buıryǵymen Almaty oblysynyń Polıtsııa departamenti jergilikti polıtsııa qyzmetiniń bastyǵy Marat Kúshtibev ýaqytsha qyzmetinen bosatylǵanyn habarlaǵan bolatynbyz.
Foto: 7sunews.kz
