Almaty oblystyq TJD qyzmetkerleriniń qatary tolyqty
TALDYQORǴAN. QazAqparat - Almaty oblystyq TJD qyzmetkerleriniń qatary tolyqty. Jeńistiń 72 jyldyǵy men Otan qorǵaýshylar kúnine oraı ótken merekelik sharada 45 maman ant qabyldady, dep habarlaıdy QazAqparat tilshisi.
Sondaı-aq, birqatar qyzmetker alǵys hattarmen marapattalyp, baǵaly syılyqtarǵa ıe boldy.
Almaty oblysy TJD bastyǵy azamattyq qorǵaý polkovnıgi Darynbek Esalyuly Baısarıev jas mamandardy quttyqtap, olarǵa bolashaqta Otanyna qyzmet etý barysynda sáttilik tiledi.
"Bul mereke - janqııar erliktiń, eńseli eldiktiń rýhy órlep, Jeńis jalaýy jelbiregen kún. Búgingi táýelsizdik tuǵyrynyń berik, eńsemizdiń bıik bolýy, elimizdiń órkendeýi, gúldenýi de - osynaý merekeniń jemisi. Búgingi urpaq ardagerler tanytqan qaharmandyq pen qaısarlyqtan úlgi alatynyna senim bilderemin. Osynaý erlikke toly Kún tarıhymyzdyń máńgilik umytylmas paraǵy bolyp qalady. Ókinishke oraı, Uly Otan soǵysy ardagerleriniń qatary jyldan jylǵa sırep bara jatyr. Sondyqtan jastyq shaǵyn surapyl soǵyspen ótkizgen ardagerlerdi erekshe qurmetteý, bizdiń paryzymyz", - dedi TJD bastyshysy.
Departament qyzmetkerleri ardagerlerdi quttyqtap, jyly lebizderin bildirdi.
Saltanatty kesh sońy kontserttik baǵdarlamaǵa ulasty.
Aıta ketý kerek, Almaty oblysy boıynsha Ekinshi dúnıejúzilik soǵysqa qatysqan 190 ardager bar.
