Almaty oblystyq sotynyń ǵımaraty karantınge jabyldy
«Taldyqorǵan qalasy bas memlekettik sanıtar dárigeri 20 qańtarda arnaıy qaýly qabyldady. Oblystyq sot jáne onyń aýmaǵynda 20 qańtardan 2 aqpanǵa deıin karantın engizildi» delingen Almaty oblystyq soty taratqan habarlamada.
Vedomstvonyń málimetinshe, sottyń jumysy qashyqtan jumys rejımine aýysa otyryp, tolyǵymen toqtatylady.
«Sot ǵımaratyna SEQ qyzmetkerlerinen basqalarynyń kirýine qatań tyıym salynady. Osy merzimde qaraýǵa taǵaıyndalǵan ister keıinirek merzimge aýystyrylady. Taǵaıyndalǵan kúni men ýaqyty týraly aqparat qatysýshylarǵa qosymsha joldanady. Qylmystyq protsessýaldyq kodekstiń 107-babyna sáıkes kelip túsken materıaldardy sýdıa Taldyqorǵan qalalyq sotynyń ǵımaratynda qashyqtan qaraıdy» dep tolyqtyrdy atalǵan vedomstvonyń baspasóz qyzmeti.