Almaty oblystyq sottyń 9 sýdıasy koronavırýs juqtyrdy
TALDYQORǴAN. QazAqparat - Almaty oblystyq sottyń 9 sýdıasy koronavırýs juqtyrdy, dep habarlaıdy QazAqparat tilshisi.
Osy jaǵdaılarǵa baılanysty sot ǵımaraty karantınge jabyldy. Qyzmetkerler qashyqtan jumys jasaýǵa kóshirildi, al sot isterin qaraý keıinge shegeriledi.
«Testileý nátıjesine sáıkes, Almaty oblysy sotynyń 9 sýdıasynan COVID-19 ınfektsııasy anyqtalyp otyr. Olardyń barlyǵy dárigerlerdiń baqylaýynda. Sonymen birge, oblystyq sot ǵımaraty jabylyp, barlyq qyzmetkerler úı karantınine oqshaýlandy. Ǵımarattyń jalpy syrty jáne ishine dezınfektsııa sharalary júrgizilýde. Qazirgi ýaqytta karantın kezeńinde oblystyq sotpen qylmystyq protsessýaldyq kodekstiń 107-babymen kelgen materıaldar ǵana keıinge qardyrylmaı qaralady. Al qalǵan sanattaǵy sot qaraýyndaǵy ister ýaqytsha toqtatyldy», - dedi Almaty oblystyq soty baspasóz qyzmetiniń ókili Samat Avganov.
