Almaty oblystyq polıtsııasy jas qyzdy pedofılden qutqarǵan oqýshyǵa qurmet kórsetti
TALDYQORǴAN. QazAqparat - Almaty oblysy Eńbekshiqazaq aýdanynyń polıtsııa qyzmetkerleri Tımýrbek Jamaladdınovqa gramota men Qazaqstannyń memlekettik Eltańbasy beınelenip, aty jazylǵan qolsaǵat tabys etti, dep habarlaıdy QazAqparat tilshisi.
«Tımýrbek óziniń osyndaı azamattyq ustanymynyń arqasynda búkil elge tanymal bolyp otyr. Aýyldyń qarapaıym balasynyń bundaı qadamy shyndyǵynda onyń batyrlyǵy men batyldyǵyn kórsetedi. Sonymen qosa, biz balany tárbıelegen ata-anaǵa da alǵys aıtamyz. Onyń ákesi Tahır men anasy Yntyzar balalaryn kómekke zárý adamǵa qamqor bolýǵa tárbıelegen. Bul barshamyzǵa úlgi», - dedi Eńbekshiqazaq aýdany Jergilikti polıtsııa qyzmeti bastyǵynyń orynbasary Maqsat Káribaev.
Eske sala keteıik, 14 sáýir kúni Almaty oblysynyń Túrgen aýylynda mektepten qaıtyp kele jatqan 8 jasar qyzǵa beıtanys azamat tap bergen. Oqıǵa ornynda kezdeısoq tap bolǵan mektep oqýshysy Tımýrbek Jamaladdınov pedofılden balany qutqaryp, keıinnen qaskóıdi ustaýǵa da kómektesken.
Tımýr Jamaladdınov - Túrgen aýylyndaǵy D.A.Qonaev atyndaǵy orta mekteptiń 11-synyp oqýshysy. Ol osy erligi arqyly elimizge tanymal boldy.
