Almaty oblystyq MKD «Altynkól» keden beketiniń laýazymdy tulǵasyna para bergen QR azamaty ustaldy
ASTANA. QazAqparat - 2017 jyldyń 31 mamyry kúni Almaty oblystyq Memlekettik kirister departamenti Іshki qaýipsizdik basqarmasynyń mamandary Jarkent aýdandyq sybaılas jemqorlyqqa qarsy kúres qyzmetiniń qyzmetkerlerimen birlesip júrgizgen jedel-izdestirý is-sharalary barysynda «Qorǵas» shekara mańy yntymaqtastyq halyqaralyq ortalyǵy aýmaǵynda QHR-dan QR-ǵa taýardy kedergisiz tasymaldaý jáne jalpy jaqtasýshylyq jasaýy úshin J.esimdi azamat «Altynkól» keden beketiniń laýazymdy tulǵasyna 50 myń teńge kóleminde para berý kezinde ustaldy.
Qazirgi tańda osy fakti boıynsha QR QK 367-baby 1-tarmaǵy «para berý» boıynsha sotqa deıingi tergeý jumystary júrgizilýde.
Almaty oblystyq Memlekettik kirister departamenti Іshki qaýipsizdik basqarmasy eskertkendeı, QR QK 367-baby 1-tarmaǵy boıynsha laýazymdy tulǵaǵa para berý - múlki tárkilenip, 15 jylǵa deıin bas bostandyǵynan aıyrylý jazasy qoldanylatyn qylmystyq jaýapkershilik bolyp tabylady.
