Almaty oblystyq máslıhatyna jańa hatshy taǵaıyndaldy

TALDYQORǴAN.QazAqparat - Almaty oblystyq máslıhatyna jańa  hatshy taǵaıyndaldy. Sultan Myrzabekuly Dúısembinov atalǵan laýazymǵa saılandy, dep habarlaıdy QazAqparat tilshisi.

Ol 1959 jyly dúnıege kelgen. Almaty sáýlet-qurylys ınstıtýtyn, Qazaq memlekettik ekonomıkalyq ýnıversıtetin bitirgen. Mamandyǵy boıynsha - ınjener-qurylysshy, ekonomıst.

Eńbek jolyn Almaty qalasyndaǵy «Kazkolhozspetsstroı» tresiniń №2 jyljymaly mehanıkalandyrylǵan kolonnasynyń sheberi bolyp bastady. Keıin aýdanaralyq taýar bazasynyń proraby jáne dırektordyń orynbasary, saýda-qurylys kásipornynyń dırektory, ekonomıkalyq kelisimdi retteý oblystyq qory dırektorynyń orynbasary, Eskeldi, Qaratal aýdandarynda ákimniń orynbasary, birinshi orynbasary, ákimi laýazymdaryn atqardy.

2015 jyldyń qańtar aıynan  búginge kúnge deıin Almaty oblysy ákimi apparatynyń basshysy qyzmetin atqardy.