Almaty oblystyq mádenıet basqarmasynyń basshysy qamaýǵa alyndy

QONAEV. QazAqparat - Almaty oblysy mádenıet, muraǵattar jáne qujattama basqarmasynyń basshysy Álııa Jaqypbekova bıýdjet qarajatyn urlady degen kúdikke ilindi, dep habarlaıdy QazAqparat tilshisi.

«Almaty oblysy boıynsha sybaılas jemqorlyqqa qarsy qyzmet «Almaty oblysynyń mádenıet, muraǵattar jáne qujattama basqarmasy»» MM basshysyna jáne basqa da adamdarǵa qatysty sotqa deıingi tergeý júrgizýde.

Laýazymdy tulǵa qolma-qol aqshaǵa aınalǵan jáne óz qalaýy boıynsha paıdalanylǵan bıýdjet qarajatyn urlady dep kúdiktenedi.

Aǵymdaǵy jyldyń 30 sáýirinde Іle aýdanynyń tergeý sotynyń sanktsııasymen memlekettik organnyń basshysy qamaýǵa alyndy«,- delingen Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń habarlamasynda.

Vedomstvonyń aqparatyna sáıkes, sotqa deıingi tergeý jalǵasýda.

QR QPK-niń 201-babyna sáıkes tergeý múddesinde ózge de aqparat taratylýǵa jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq is júrgizý kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árqaısysy kinásiz dep esepteledi.