Almaty oblystyq kóliktik baqylaý ınspektsııasynyń úsh qyzmetkeri ustaldy
Almaty oblysy boıynsha Sybaılas jemqorlyqqa qarsy qyzmet Ulttyq qaýipsizdik komıtetiniń oblystyq departamenti jáne Taldyqorǵan kólik prokýratýrasymen birlesip Almaty oblystyq kóliktik baqylaý ınspektsııasy qyzmetkerleriniń zańsyz qyzmetin áshkereledi.
«Bólim basshysy men onyń qol astyndaǵy eki qyzmetshisi 2021 jyldyń basynan bastap 2022 jyldyń aqpan aıyna deıingi kezeńde kásipkerlerden avtomobıl joldarynda kedergisiz júrip ótkeni jáne olardy ákimshilik jaýapkershilikke tartpaǵany úshin júıeli negizde 50 myńnan 280 myń teńgege deıin para alyp otyrǵan.
Kóliktik baqylaý ınspektsııasynyń úsh qyzmetkeri ustalyp, Taldyqorǵan qalalyq polıtsııa basqarmasynyń ýaqytsha ustaý ızolıatoryna qamaldy»,- delingen Almaty QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Almaty oblysy boıynsha departamentiniń resmı habarlamasynda.
Ózge aqparat tergeý múddesinde jarııa etýge jatpaıdy. Kúdiktilerge qatysty túpkilikti úkimdi olardyń kinálilik dárejesin anyqtaı otyryp, sot shyǵarady.