Almaty oblystyq kóliktik baqylaý ınspektsııasynyń laýazymdy tulǵalary tutqyndaldy
ASTANA. QazAqparat - QR Memlekettik qyzmet isteri mınıstrligi Sybaılas jemqorlyqqa qarsy is-qımyl ulttyq bıýrosynyń Almaty oblystyq departamenti óńirge qarasty kóliktik baqylaý ınspektsııasynyń laýazymdy tulǵalary A.Súleımenqulov pen M.Jumaǵulovty tutqynǵa aldy.
Bul týraly atalǵan bıýronyń baspasóz qyzmetinen habarlady.
«A.Súleımenqulov pen M.Jumaǵulovtyń bir top adammen aldyn ala sóz baılasyp, oblys aýmaǵyna kedergisiz ótý úshin júk jáne arnaıy kólik quraldarynyń júrgizýshilerinen 50 myńnan 100 myń teńgege deıingi kólemdegi parany turaqty túrde alyp otyrǵandyǵy anyqtaldy», - delingen vedomstvo taratqan aqparatta.
Qazirgi ýaqytta A.Súleımenqulov pen M.Jumaǵulov Taldyqorǵan qalalyq ІІB-niń ýaqytsha oqshaýlaǵyshyna qamalyp, sotqa deıingi tergeý amaldary júrgizilýde.
