Almaty oblystyq koalıtsııasy Elbasy Joldaýyn talqylady

TALDYQORǴAN. QazAqparat - Taldyqorǵanda demokratııalyq kúshterdiń «Qazaqstan-2050» Almaty oblystyq koalıtsııasynyń ókilderi bas qosyp, Prezıdenttiń bıylǵy Joldaýyn talqylady, dep habarlaıdy QazAqparat tilshisi.

 Almaty oblystyq koalıtsııa quramyna 5 partııa fılıaly, qoǵamdyq birlestik jetekshileri, úkimettik emes uıym músheleri kiredi. Jıyn barysynda Prezıdenttiń bul joldaýy mazmuny jaǵynan óte kúrdeli ekenin atap ótip, ár partııa fılıalynyń basshylary óz usynystaryn aıtty. Sondaı-aq Elbasynyń Joldaýyndaǵy maqsat-mindetterdi júzege asyrý tetikterin birge qarastyrýǵa ýaǵdalasty. Jumyla kótergen júk jeńil degen qaǵıdatpen koalıtsııa músheleri Elbasynyń tapsyrmalaryn oryndaýǵa bir kisideı atsalysýǵa senim bildirdi.

 Koalıtsııa tóraǵasy, «Nur Otan» partııasy Almaty oblystyq fılıaly tóraǵasynyń birinshi orynbasary Ǵalıasqar Sarybaevtyń aıtýynsha, eń aldymen Joldaýdy óńir turǵyndaryna túsindirý qajet. Ol úshin arnaıy aqparattyq toptar qurylyp, halyqpen kezdesýler uıymdastyrylýy tıis. Al ekinshi kezekte Joldaýdaǵy tapsyrmalardyń oryndalýyna jumyla kirisý kerek.