Almaty oblystyq ІІD Esiktegi adam ólimine qatysty túsinikteme berdi
ALMATY. QazAqparat - Almaty oblystyq ІІD «QazAqparat» tilshisiniń Esik qalasyndaǵy adam ólimine qatysty joldaǵan saýalyna jaýap berdi.
«Qazirgi tańda atalǵan derek boıynsha kúdikti ustaldy ári qamaýda otyr. Bul oqıǵaǵa qatysy bar adamdardyń kimder ekendigi anyqtaldy. Keıin olardyń qylmysqa qatysy bar-joǵy men is-áreketterine qaraı protsessýaldy sheshim qabyldanady. Tergeý jumystary Eńbekshiqazaq aýdany ІІB tergeý bóliminiń óndirisinde júrip jatyr. Atalǵan is oblystyq tergeý basqarmasynyń baqylaýyna alyndy», - dedi baspasóz qyzmetinen.
Aıta ketý kerek, qaıǵyly oqıǵa 19-maýsymda Esik qalasynda bolǵan.
43 jastaǵy Muhıt Ospanov pen basqa da tulǵalar arasynda sózden daý týyndaıdy. Eregistiń arty tóbeleske ulasyp, Muhıtti basqa jigitter soqqyǵa jyqqan.
Er adam shuǵyl túrde aýrýhanaǵa jetkiziledi. 2 kún komada jatqan er adam shildeniń 21-ine qaraǵan túni kóz jumǵan.
Atalǵan derek sotqa deıingi tergeýdiń biryńǵaı tizilimine QR QK 106-babynyń 3-bólimi boıynsha tirkeldi.
