Almaty oblystyq ekonomıkalyq sotynyń barlyq qyzmetkeri karantınge oqshaýlandy
TALDYQORǴAN. QazAqparat - Almaty oblysynyń mamandandyrylǵan aýdanaralyq ekonomıkalyq sotynyń ǵımaratynda karantın sharalary engizildi. Osyǵan baılanysty sottyń barlyq qyzmetkerleri 7 kúnge úı karantınine oqshaýlanady, dep habarlaıdy QazAqparat tilshisi.
«Almaty oblysynyń mamandandyrylǵan aýdanaralyq ekonomıkalyq sotynyń ǵımaratynda COVID-19 oshaǵyn qarqyndy dezınfektsııalyq óńdeı otyryp, shilde aıynyń 1-i men 8-i aralyǵynda karantın sharalary engizildi. Osyǵan baılanysty Almaty oblysynyń mamandandyrylǵan aýdanaralyq ekonomıkalyq sotynyń barlyq qyzmetkeri jetikúndik úı karantınine oqshaýlanady.
Bul rette sot qyzmetkerlerine qashyqtan (onlaın) jumys ýaqyty belgilenetin bolady», - delingen Almaty oblysynyń mamandandyrylǵan aýdanaralyq ekonomıkalyq soty taratqan málimette.
Vedomstvo málimetinshe, isterdi qaraý neǵurlym keıingi ýaqytqa qaldyryldy. Taraptarǵa sot jumysynyń bastalǵany jáne isterdi qaraýdy qaıta bastaý týraly qosymsha habarlanady.
Shekteý sharalarynyń rejımi men merzimi COVID-19 koronavırýs ınfektsııasyna qatysty ahýalǵa oraı ózgertilýi múmkin.
