«Almaty-Nur-Sultan» jolyn jańǵyrtýǵa qansha qarajat bólindi
NUR-SULTAN. QazAqparat - QR Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy Saıranbek Barmaqov «Almaty-Nur-Sultan» jolyn jańǵyrtýǵa qansha qarajat bólingenin jarııa etti, dep habarlaıdy QazAqparat tilshisi.
«Almaty-Nur-Sultan» avtomobıl jolyna qatysty aıtar bolsam, búgingi kúni Qaraǵandydan Almatyǵa deıingi uzyndyǵy 879 shaqyrym bolatyn ýchaskede jańǵyrtý jumystary júrgizilip jatyr. Bul joldy jańǵyrtýǵa 12 mlrd teńge bólingen«, - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.
Sonymen qatar ol atalǵan joldyń keıbir ýchaskeleri nelikten nashar ekendigin aıtty.
«Almatydan beri 96 shaqyrym joldyń jaı-kúıi nasharlaý. Degenmen, ol jerde joldy kútip ustaý jumystary júrgiziledi. Jóndeýsiz paıdalaný merzimi aıaqtalyp kele jatyr. Sondyqtan ortasha jóndeý jasalady», - dedi Saıranbek Barmaqov.
