Almaty - Nur-Sultan ushaǵyndaǵy janjal: Áýe kompanııasynyń ókili jaǵdaıdy túsindirdi
ALMATY. QazAqparat – FlyArystan áýe kompanııasy jaqynda Almaty-Nur-Sultan reısi bortynda bagajǵa qatysty shyqqan janjaldyń egjeı-tegjeıi týraly aıtty, dep habarlaıdy QazAqparat tilshisi.
FlyArystan áýe kompanııasy Almaty - Nur-Sultan reısiniń ushaǵynda janjal shyǵarǵan jolaýshylardyń vıdeosyn kórsetti. Beınejazbadan jolaýshy men onyń áıeli reıske birneshe sómkemen bara jatqanyn kórýge bolady.
«FlyArystan KS7055 reısinde jolaýshy beınebaqylaý kameralaryndaǵy jazbaǵa sáıkes, 2 qol sómkemen ushaqqa kirgen. Onyń artyndaǵy jubaıynda da qol sómkesi bolǵan. Osylaısha olar eki adamǵa 2-den artyq qol júgin alyp kirdi», - delingen FlyArystan áýe kompanııasynyń habarlamasynda.
Áýe kompanııasynyń baspasóz qyzmetiniń málimetine súıensek, jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reıske jiberilmeıtini týraly eki ret eskertilgen. Óıtkeni tasymaldaý erejelerine sáıkes bortqa bir qol júgi bar jolaýshylar jiberiledi. Biraq jolaýshy avıakompanııa qyzmetkerleriniń talabyn oryndamady. Jolaýshy ashýlanyp, qyzmetkerdi ıterip, bortqa kirdi.
«Nátıjesinde QR Investıtsııalar jáne damý mınıstriligimen bekitilgen jolaýshylardy, bagajdy jáne júkti áýe kóligimen tasymaldaý erejesiniń 22-tarmaǵyna sáıkes avıakompanııanyń birjaqty tártibimen jolaýshyny shyǵarý týraly akt jasalyp polıtsııa qyzmetkerleri shaqyryldy. Buǵan jaýap retinde jolaýshy men onyń dostary bortta janjal shyǵaryp, jaǵdaıdy uıaly telefonǵa túsirdi. Atalǵan fakt boıynsha polıtsııa qyzmetkerleri ákimshilik quqyq buzýshylyq týraly hattama jasady «, - dep habarlady vedomstvadaǵylar.
Buǵan deıin, Almaty - Nur-Sultan reısi ushaǵynda jolaýshy janjal shyǵarǵany habarlanǵan bolatynbyz.
