Almaty - Nur-Sultan reısiniń ushaǵynda jolaýshy janjal shyǵardy
ALMATY. QazAqparat - Almaty - Nur-Sultan reısi ushaǵynda jolaýshy janjal shyǵardy, dep habarlaıdy QazAqparat tilshisi.
FlyArystan baspasóz qyzmeti oqıǵanyń 30 mamyrda bolǵanyn habarlady.
«Janjal shyǵarǵan jolaýshyny ushaqtan shyǵarýǵa baılanysty reıs keshikti. Jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reıske jiberilmeıtini týraly eki márte eskertildi. Óıtkeni tasymaldaý erejelerine sáıkes bortqa bir qol júgi bar jolaýshylar ǵana jiberiledi» dep málim etti kompanııanyń baspasóz qyzmeti.
Ondaǵylardyń aıtýynsha, atalǵan jolaýshy avıakompanııa qyzmetkerleri talabyn oryndamaǵan. Jolaýshy ashý-yzasyn kórsetip, qyzmetkerdi ıterip, bortqa kiredi.
«Basqa jolaýshylarǵa qolaısyzdyq týǵyzǵany ókinishti. Alaıda avıakompanııa erejelerin saqtamaǵan jaǵdaıda biz avıatsııalyq qaýipsizdik rásimderin ustanýǵa májbúrmiz. Jolaýshyny borttan shyǵarǵan kezde biz áýe kemesi men jolaýshylardy qaıta tekserýge tıispiz», - dep túsindirdi FlyArystan baspasóz qyzmeti.
