Almaty nan zaýyttary qalaı jumys istep jatyr
ALMATY. QazAqparat-Búginde Almatyda kúnine 80 tonna áleýmettik nan shyǵarylýda, dep habarlaıdy QazAqparat tilshisi.
Almaty qalasynyń tirshilikti qamtamasyz etýdi qalpyna keltirý jónindegi qalalyq shtabynan habarlaǵandaı, qazirgi ýaqytta Almaty qalasynyń aýmaǵynda 3 iri nan zaýyty-Aqsaınan, Almatynan jáne Rýzınanan nan-toqash kombınattarynyń jumysy jalǵasýda.
Bul kásiporyndar kúnine shamamen 80 tonna áleýmettik nan shyǵarady. Bul rette óndiriletin ónimniń baǵasy burynǵy deńgeıde qaldy (Aqsaınan- 80 teńge/bólke, Almatynan – 85 teńge/bólke).
Jalpy, qala halqyn birinshi qajettiliktegi ónimdermen qamtamasyz etý jaǵdaıy qalypty.
Búgin qalada barlyq iri saýda jelileriniń (Magným, Smoll, Toımart, Metro, ıÝbıleınyı, Stolıchnyı, Maımart, Galmart, JLC jáne Asyl Et), sondaı-aq «Ý doma» dúkenderiniń jumysy qaıta jandandy.
Budan basqa, Almaty qalasy men el óńirleriniń óndirýshilerinen azyq-túlik jetkizý arnalary qalpyna keltirildi.
Buǵan deıin habarlanǵandaı, Almaty qalasynda iri saýda marketteri, bazar, janarmaı quıý stantsııalarynyń jumysy jandandy.
