Almaty muǵalimderiniń jalaqysyn kóterý úshin 30,8 mlrd teńge bólindi
ALMATY. QazAqparat - Almaty muǵalimderiniń jalaqysyn kóterý úshin 30,8 mlrd teńge bólindi, dep habarlaıdy QazAqparat tilshisi.
Jalpy tórt jyl ishinde muǵalimderdiń jalaqysy eki ese artady. Birinshi ósim 2020 jyldyń 1 qańtarynda boldy. Bul sharamen mektep muǵalimderi, balabaqsha tárbıeshileri, kolledjder, qosymsha bilim berý júıesi qamtyldy.
2021 jyldyń naqtylanǵan bıýdjeti aıasynda Almaty muǵalimderiniń jalaqysyn 25% kóterý úshin respýblıkalyq bıýdjetten 30,8 mlrd teńge bólindi.
Megapolıstegi memlekettik mekemeler – mektepter men kolledjderde, balabaqshalar men ınternattarda, mektepten tys uıymdarda 32 myń pedagog qyzmetker jumys isteıdi.
Bulardan ózge, synyp jetekshiligi, dápterlerdi tekserý, pedagogıkalyq sheberlik, magıstr dárejesi jáne tálimgerlik úshin qosymsha aqylar qarastyrylǵan.
Aıta keterligi, buryndary magıstr dárejesi jáne tálimgerlik úshin qosymsha aqy tóleý bolmaǵan, birinshi ret engizilip otyr.
Al burynnnan bar synyp jetekshiligi, dápterlerdi tekserýdiń qosymsha aqysy eki ese ósýde.
Eske salsaq, Almaty ákimdigi muǵalimderdiń kásibı jetistikterin yntalandyrý úshin qarjy bólýdi qarastyrǵan edi.
Osyǵan oraı, qala ákimi Baqytjan Saǵyntaevtyń usynysy boıynsha «Úzdik pedagog», «Úzdik pedagogıkalyq ujym» baıqaýlary jyl saıyn ótkizilip keledi.
