«Almaty-Mejdýrechensk» kúre jolynda bolǵan iri jol apatynda 5 adam qaza tapty, onyń ishinde 8 jáne 1 jasar balalar bar
ASTANA. Tamyzdyń 2-si. QazAqparat - Ótken senbi, shildeniń 30-y kúni «Almaty-Mejdýrechensk» kúre jolynda bolǵan iri jol apatynda 5 adam qaza tapty, onyń ishinde 8 jáne 1 jasar balalar bar.
QR TJM-nan málim etkendeı, Almaty oblysy Qarasaı aýdanyn basyp ótetin kúre joldyń 45-shi shaqyrymynda «Toıota» men «MAN» avtokólikteri soqtyǵysyp qalyp, eki kólik otqa oranǵan.
Jol apaty saldarynan «Toıota» mashınasynyń 26 jastaǵy júrgizýshisi men onyń 25, 32, 8 jáne 1 jastaǵy jolaýshylary oqıǵa ornynda mert boldy.
Tótenshe jaǵdaıdy joıýǵa TJM «Respýblıkalyq shuǵyl-qutqarý jasaǵy» MM-niń 8 adamy men 1 tehnıkasy, Almaty oblysy boıynsha órtke qarsy qyzmetiniń 5 adamy men 1 tehnıkasy jumyldyryldy.
