Almaty metrosynyń jumys rejımi ózgerdi
ALMATY. QazAqparat - Almaty metrosynyń jerasty poıyzdary tún ortasyna deıin júretin boldy, dep habarlaıdy QazAqparat tilshisi.
«Kóptegen jolaýshylardyń ótinishin eskere otyryp, 12 qarashadan bastap Almaty metropolıteni jańa jumys rejımine kóshedi. Endi jerasty júrdek poıyzdary tańǵy 6:20-dan túngi 24:00-ge deıin qatynaıtyn bolady. Sonymen qatar, Almaty metrosyn jolaýshylarǵa barynsha yńǵaıly etý úshin barlyq jaǵdaı jasalyp jatyr. Keler jyly arnaıy alańdar men kassa zaldarynda aqparattyq dıspleıler ornatylady. Jolaýshylar endi kelesi poıyzdyń qashan keletinin kórip turady», - dedi «Almaty metropolıten» AQ baspasóz qyzmetinen.
Aıta ketý kerek, 24 qazanda Almaty metrosyna 8 jańa elektr poıyzyn jetkizý úshin kelisimge qol qoıylǵan bolatyn.
