Almaty metrosynyń tóltańbasyna jarııalanǵan baıqaý merzimi aıaqtaldy
ALMATY. 16 tamyz. QazAqparat /Erlik Erjanuly/ - Almaty metrosynyń tóltańbasyna jarııalanǵan baıqaýdyń merzimi aıaqtaldy.
Alǵashqy kezde baıqaý merzimi 29 shilde dep belgilenip, onyń qorytyndysy 7 tamyzda belgili bolady dep jarııalanǵan bolatyn. Alaıda 3 tamyzda qala ákimdigi baıqaý merzimin tamyzdyń 12-si kúngi keshki 18:00-ge deıin uzartty. Oǵan alǵashqy kezeńde úmitkerlerden 67 jumys qabyldanǵan edi. Endi olardyń sany 90-ǵa jýyqtap otyr. Baıqaýdyń ekinshi kezeńinde qalalyq mádenıet basqarmasynyń áleýmettik jelisindegi paraqshasynda daýys berý sharasy ótpek. Olardyń arasynan úzdik dep tabylǵandaryna úshinshi kezeńde qala qurylysy keńesi men sarapshylar alqasy óz baǵasyn bermek.
