Almaty metrosynyń tól tańbasyna jarııalanǵan baıqaýdyń qorytyndysy qala kúni jarııalanady
ALMATY. 22 tamyz. QazAqparat /Erlik Erjanuly/ - Almaty metrosynyń tól tańbasyna jarııalanǵan baıqaýdaǵy qoǵamdyq jáne saraptamalyq daýys berý sharasy aıaqtaldy.
Sarapshylar májilisi saıystyń kelesi kezeńine jiberilgen balamaly nusqalardy anyqtady. Jalpy bul baıqaýǵa 180-ge jýyq úmitker qatysqan bolatyn. Olardyń arasynan 57 adamnyń 96 jumysy qoǵamdyq jáne saraptamalyq daýys berýge jiberilgen edi. Onda 8-i iriktelip, odan keıingi saraptamalyq komıssııa otyrysynda onyń beseýi tańdap alynyp, qalaqurylysy keńesine usynyldy. Qazaqstan dızaınerler odaǵynyń tóraǵasy Tımýr Súleımenov tóraǵalyq etetin Saraptamalyq komıssııa quramynda McCann Erickson Kazakhstan agenttiginiń kreatıvti dırektory Sergeı Radıonov pen Sun Advertising dırektory Djanet Jakıen bar. Jeńimpazdyń esimi endi qyrkúıektiń sońǵy jeksenbisinde atap ótiletin qala kúninde belgili bolmaq. Bıyl bul shara 25-qyrkúıekke sáıkes kelip otyr.
