Almaty metrosynyń qyzmetkerleri trenajerlermen poıyz júrgizip úırenedi (FOTO)
ALMATY. QazAqparat - Almaty metropolıteninde búgin eń alǵash «Elektropoıyz mashınıstiniń trenajeri» jańa tehnıkalyq keshen tanystyryldy.
Endi tájirıbeli mashınısterdi qaıta oqytý men jas mashınısterdi oqytý osy júıe arqyly tıimdi júzege asatyn boldy. Jańa keshendi satyp alýǵa bıýdjetten 100 mln teńge jumsalǵan.
Úsh bólikten turatyn kabınada mashınıst jolda kele jatqandaı kúıde bolady. Jańa júıe arqyly ol qalaı burylýdy, qalaı toqtaýdy jáne jyldamdyqty azaıtýdy úırenedi.
Mashınıstiń avtomattandyrylǵan jumys ornynda poıyzdy basqarý pýltiniń kóshirmesi, monıtorlar ornatylǵan.
«Metro Almatyda júrgeli beri jol qozǵalysy qaýipsizdigin qamtamasyz etý úshin metropolıten DEPO-synda mashınısterdi daıyndaıtyn oqý bólimin ashtyq. Olardy qaýipsizdik sharalaryn saqtaýǵa úıretip jatyrmyz. Jańa júıe Qazaqstanda alǵash ret iske qosylyp jatyr. Jolda kele jatqanda mashınıstiń densaýlyǵy da syr berse, qandaı áreket etý kerek? Bárin aldyn-ala jolǵa shyqpaı turyp pysyqtaımyz», - dedi «Metropolıten» MKK Elektrdeposynyń basshysy Jetkergen Arzaev.
Mamandardyń aıtýynsha, jańa qurylǵy mashınısterdi jaýapty jumysqa daıyndaýdyń ýaqytyn qysqartyp, kásibı sheberligin shyńdaýǵa kómektespek.
