Almaty metrosynyń qaı baǵytta damıtyny aıtyldy
Almatynyń Bas josparyn túzetýdi talqylaý barysynda «Almatygıprogor-1» kompanııasy bas dırektorynyń orynbasary Altaı Satybaldıev metronyń damý syzbasymen tanystyrdy, oǵan sáıkes birinshi metro jelisi 24 shaqyrymdy (jalpy 22 stantsııa) qamtýy kerek. Búgingi kúni 9 stantsııa (11,2 shaqyrym) paıdalanýǵa berildi. Ekinshi jeli 18 beketti (29,2 shaqyrym), úshinshi jeli - 18 beketti (27,2 shaqyrym) qamtamasyz etedi.
Metro joldary salynǵan syzbada birinshi jeliniń «Qalqaman» shaǵynaýdanyndaǵy Batys avtovokzalynan bastap Qapshaǵaıdaǵy Gate City qalashyǵyna deıin jalǵasyp jatqanyn kórýge bolady.
Kartadaǵy ekinshi metro jelisi kók túspen belgilengen jáne ol Altyn Orda aýdanynan bastalyp, áýejaı aımaǵynda deıin sozylǵan.
Úshinshi jeli jasyl túspen boıalǵan. Ol áýejaıdan «Han-Táńiri» turǵyn úı keshenine deıin jalǵasady (ál-Farabı dańǵylynan joǵary).
Іs-shara barysynda sarapshylar men qoǵam belsendileri bul jobanyń 2030 jylǵa deıin júzege asyrylady degenge kúmánmen qarady. Sebebi, mynandaı aýqymdy jobaǵa ýaqyt tym az.
«Biz metronyń birinshi jelisin 2030 jylǵa qaraı júzege asyramyz dep otyrmyz. Eger metropolıtendi júıe retinde alsaq, onda ol úsh jeli bolǵanda ǵana jumys isteıdi. Bul úshburysh. ıAǵnı, jolda turǵan adam kez kelgen ýaqytta basqa jolǵa aýysa alady: ekinshi nemese úshinshi jelige. Kók, qyzyl, sary», - dedi «Almatygıprogor-1 « dırektorynyń orynbasary Altaı Satybaldıev.
Sonymen qatar, ol metropolıtendi bas josparda ne úshin paıdalaný kerektigin túsindirdi.
«Biz dálizderdi salyp jatyrmyz, óıtkeni qala damıdy. Eger metro stantsııalary belgili bolsa, onda biz qala qurylysy josparynda aýmaqty metropolıtendi eskere otyryp damytamyz. Metro jelisi 15 jyldan keıin paıda bolýy múmkin, biraq biz muny eskerýimiz kerek», - dep qosty ol.
