Almaty metrosyndaǵy urlyqqa qatysty is boıynsha 52 kýágerden jaýap alyndy
ALMATY. QazAqparat - Almatyda Medeý aýdandyq sotynda «Almatymetroqurylys» AQ-nyń burynǵy bas dırektory M.Úkshebaevqa qatysty sot otyrysy jalǵasyp jatyr. Búginde atalǵan is boıynsha 52 kýágerden suraq-jaýap alyndy, dep habarlady qalalyq sottyń baspasóz qyzmeti.
Sottalýshylardyń qatarynda «SredAzEnergoServıs» JShS-niń dırektory K.Antıpov pen «Almatymetroqurylys» AQ-nyń memlekettik satyp alýdaǵy quqyqtyq qamtamasyz etý bóliminiń bastyǵy E.Qaldybaev ta bar.
Olarǵa QR QK 176-babynyń 4-bóliginiń «b» tarmaǵymen, 307-babynyń 4-bóligimen, 193-babynyń 3-bóliginiń «a,v» tarmaqtarymen kózdelgen qylmys jasady degen aıyp taǵylyp otyr.
ıAǵnı, is materıaldaryna sáıkes, aıyptalýshylar aldyn ala kelisý arqyly 2 503 060 500 teńge kólemindegi aqshalaı qarajatty urlaǵan.
113 tomnan turatyn qylmystyq is 2015 jyldyń 13 qazanynan beri sot óndirisinde qaralýda. 2015 jyldyń 22 qazanynda sot talqylaýy bastaldy. Іske 64 kýáger tartylyp otyr.
