Almaty metrosynda jolaqy qymbattaıdy
ALMATY. QazAqparat - Almaty metrosynda da jol aqysy qymbattaıdy. Bul másele qazir kópshilik talqysyna shyǵaryldy, dep habarlaıdy QazAqparat tilshisi.
Ákimdik qaýlysy búgin Qazaqstan Respýblıkasynyń elektrondy úkimeti portalynda jarııalandy.
Qaýlyda qaladaǵy qoǵamdyq kólik tasymaldaýlarynda jol aqysynyń dıfferentsıaldy tarıfin engizý týraly aıtylǵan.
Aıta ketý kerek, buǵan deıin qoǵamdyq kólikter - avtobýs, trolleıbýstardaǵy jolaqy qunynyń qymbattaıtyny jaıly aıtylǵan bolatyn.
Almaty ákimdigi «QR Avtomobıl kóligi týraly» Zańynyń 1-baby 2-bólimine sáıkes qoǵamdyq kóliktegi kóleńkeli aınalymdy joıý ári elektrondyq tólem túrin damytý maqsatynda osyndaı qaýly shyǵarǵan.
Endi qoǵamdyq kóliktegi (metrony qosqanda) jol aqysy elektrondyq tólem arqyly - 80 teńge kóleminde, al qolma-qol aqsha bergen jaǵdaıda 150 teńge bolady.
Ázirge bul qaýly 13 shildege deıin qoǵamdyq talqylaýda bolady.
Qaýly ádilet organdarynda memlekettik tirkeýden ótken soń 10 kúnnen keıin zańdy kúshine enedi.
