Almaty metrosynda taǵy eki stansa salynady
ALMATY. QazAqparat - Almaty metrosynda taǵy eki stansa salynady. Bul týraly búgin Naýryzbaı aýdanynda ótken ınvestıtsııalyq forým barysynda «Metrojoba» JShS jobalardyń bas ınjeneri Pavel Moskovchýk málimdedi, dep habarlaıdy QazAqparat tilshisi.
Onyń aıtýynsha, Qalqaman stansasy Raıymbek dańǵyly men Áshimov kóshesi qıylysynan soltústikke qaraı ornalasatyn bolady.
«Qalqaman stansasynyń qurylysy kelesi jyly bastalady. 2020 jyly Dostyq pen Saryarqa stansalary salynyp bitedi. Qazir jobalaý jumystary júrip jatyr. Qurylys merzimi áli aıqyn emes. Bári qarjylandyrýǵa baılanysty», - dedi Pavel Moskovchýk.
Al Elebaev jáne Baızaq batyr kósheleriniń arasynda «Zapadnyı» stansasy boı kóteredi.
Osymen metropolıtenniń birinshi jelisi aıaqtaldy.
«Zapadnyı» avtobeketi kóliktik-aýysý toraby (KAT) bolyp tabylady. Onda qoǵamdyq kóliktiń - halyqaralyq avtobeket, JRK (jeńil relsti kólik), BRT (júırik avtobýs jelileri) jáne metropolıten sekildi birneshe túri ortalyqtandyrylatyn bolady. Budan basqa, «Zapadnyı» avtobeketiniń aýmaǵynda qalaǵa kiretin azamattarǵa mashınalaryn qaldyrýǵa jáne qoǵamdyq kólikti paıdalanýǵa múmkindik beretin jeke avtomobılderge arnalǵan turaqtar kózdelgen», - dedi P.Moskovchýk.
Atalǵan eki stansanyń salynýymen Almaty metropolıteniniń birinshi jelisiniń jalpy uzyndyǵy 18,3 shaqyrym bolady. Barlyǵy 13 stantsııa bolady. Mamandardyń esebinshe, metropolıtenniń jolaýshylar aǵyny esep boıynsha kúnine 100-110 myń adamǵa jetedi.
