Almaty metrosynda prank jasaǵan úsh jigit jaýapqa tartyldy

ALMATY. QazAqparat - Almaty metrosynda jolaýshylarǵa prank jasaǵan úsh jigit jaýapqa tartyldy, dep habarlaıdy QazAqparat tilshisi Polisia.kz-ke silteme jasap.

Metropolıtendegi polıtsııa basqarmasynyń málimetinshe, úsh jas jigit Almaty metrosynyń jolaýshylaryna prank jasaǵan. Olar mýzyka kolonkasynyń kómegimen áýendi qatty qoıyp, azamattardyń narazylyǵyn týdyrǵan. Keıbir jolaýshylar áýenniń kenet qatty oınaıtynyn kútpegendikten, qoryqqan. Olardyń biri «Jibek joly» beketinde qyzmet etetin polıtsııa qyzmetkerlerinen kómek surady.

«Qoǵamdyq tártipti buzǵandar ınspektordyń zańdy talaptaryna qarsylyq tanytty. 19 jáne 22 jastaǵy A, K. jáne A.esimdi azamattardyń áreketteri QR ÁQbK-niń 434-baby boıynsha usaq buzaqylyqqa jatqyzyldy. Ákimshilik istiń materıaldary jınaqtalyp, sheshim qabyldaý úshin sotqa jiberildi», - dedi metropolıtendegi PB bastyǵynyń orynbasary Qaırat Jurynov.