Almaty metrosynda ótirik jótelip jurtty shoshytqan pranker 10 táýlikke qamaldy
ALMATY. QazAqparat – Almaty metrosynda jurtty shoshytqan pranker ustaldy, dep habarlaıdy QazAqparat.
Áleýmettik jelilerdi monıtorıngileý barysynda 23 jastaǵy qala turǵynynyń ótirik jótelý arqyly metropolıten jolaýshylaryn qorqytyp júrgeni anyqtaldy.
«Jurt onsyz da alańdap otyrǵan kezde H. esimdi azamattyń istep júrgen isi aqylǵa syımaıdy. Haıp úshin jas jigit barlyq moraldyq jáne etıkalyq normalardy aıaqasty etti. Bul áreketi úshin polıtsııa qyzmetkerleri ony QR Ákimshilik quqyq buzýshylyq týraly kodeksiniń 434-baby (usaq buzaqylyq) boıynsha jaýapqa tartty. Almaty qalasynyń mamandandyrylǵan aýdanaralyq sotynyń sheshimimen ol 10 táýlikke ákimshilik qamaýǵa alyndy», - dep habarlady Almatynyń Polıtsııa departamentiniń resmı ókili Saltanat Ázirbek.
Sot otyrysy bastalar aldynda pranker jurtshylyqtan keshirim surady.
