Almaty metrosynda «OŃAI» elektrondy jol júrý bıletteri tolyǵymen iske qosyldy (FOTO)
ALMATY. QazAqparat - Almaty metrosynda «OŃAI» elektrondy jol júrý bıletteri tolyǵymen iske qosyldy. Bul týraly búgin «OŃAI» baspasóz qyzmetinen habarlady.
«Almaty metrosynda «OŃAI» elektrondy jol júrý bıletteri iske qosyldy. Onda barlyq azamattarǵa arnalǵan Biryńǵaı elektrondy jol júrý bıletin, Almaty qalasynyń aýmaǵynda ornalasqan jalpy bilim beretin mektep oqýshylaryna arnalǵan Oqýshynyń elektrondy jol júrý bıletin, Almaty qalasynda tehnıkalyq jáne kásibı bilim alýshy stýdentterge, JOO-nyń kúndizgi bólimde oqıtyn stýdentterine arnalǵan Stýdenttiń elektrondy jol júrý bıletin jáne Almaty qalasynyń zeınetkerlerine arnalǵan Áleýmettik elektrondy jol júrý bıletin paıdalanýǵa bolady. Sonymen qatar, «OŃAI» kartalaryn barlyq metro beketterinen satyp alýǵa múmkindik berildi. Almatyda «OŃAI» elektrondy bılettendirý júıesi engizilgennen beri, metro tarıfinen 50% jeńildikpen júrýge tek 7 jas pen 15 jas aralyǵyndaǵy balalar ǵana emes, sonymen qatar 15 jastan asqan Almaty qalasynyń jalpy bilim beretin mektep oqýshylaryna, Almaty qalasynda tehnıkalyq jáne kásibı bilim alýshylarǵa, Almaty qalasy JOO-nyń kúndizgi bólimderinde oqıtyn stýdentterine jáne Almaty qalasyndaǵy kóp balaly analarǵa (18 jasqa tolmaǵan 4 nemese odan da kóp balasy bar) da múmkindik týdy.
Al Uly Otan soǵysyna qatysýshylar men múgedekterine, 75 jastan asqan qarttarǵa, UOS qatysýshylary men múgedekterine teńestirilgen adamdarǵa, birinshi jáne ekinshi top múgedekterine jáne Almaty qalasynyń on segiz jasqa tolmaǵan, múgedektigi bar balalaryna jol aqysy tegin. Bul jeńildikter sáıkes jeńildigi bar «OŃAI» kólik kartasy bar bolǵan jaǵdaıda jaramdy.
Biryńǵaı kólik karatysnyń quny 400 teńge turatynyn eskertemiz. Bul somaǵa kiretinder:
Birinshi, kartanyń kepildik quny, ol - 320 teńge turady. Bul degenimiz, kartany alǵan kúnnen bastap jarty jyl ishinde qaıtadan qaıtaryp berip, kepildik quny 320 teńgeni qaıtaryp alýǵa bolady degen sóz. Kartany Rysqulbekov kósh., 33/1 mekenjaıy boıynsha jáne temirjol vokzaldary men «Saıran» avto beketiniń «OŃAI» belgisi kórsetilgen arnaıy kassalaryna cheksiz qaıtaryp berýge bolady.
Ekinshi, bir ret jol júrýdiń tolyq quny - 80 teńge. ıAǵnı, jańa kartanyń teńgeriminde qoǵamdyq kólikte bir ret jol júrýge arnalǵan soma bar. Bul jolaýshylarǵa yńǵaıly bolý úshin jasalǵan. Ary qaraı, kólik kartasynyń teńgerimin qoldanýshy óziniń qalaýyna qaraı toltyrady», - delingen habarlamada.
